Тіркелу
«Қарағанды Су» ЖШС сумен жабдықтау және су бұру қызметтері тұтынушыларының назарына жеткізеді Қазақстан Республикасы Ұлттық экономика министрлігі Табиғи монополияларды реттеу Комитетінің Қарағанды облысы бойынша департаментінің       2025 жылғы  24 қаңтардағы № 10-ОД бұйрығына сәйкес реттелетін қызметтерге арналған инвестициялық бағдарламалардың бекітілуіне, стратегиялық тауар (электр энергиясы, сатып алынған су) құнының өзгеруіне байланысты, статистика деректері бойынша өңірдегі экономикалық қызмет түрі бойынша орташа айлық жалақының өзгеруі,  сондай-ақ, «Қарағанды Су» ЖШС-нің 2025 жылғы 24 қаңтардағы № 81 бұйрығына сәйкес сумен жабдықтау қызметтерінің бекітілген тарифтік сметасының көлемі ұлғаюына және нақты шығындарының қысқаруына байланысты 2025 жылғы 1 ақпаннан бастап қолданысқа енгізіле отырып, 2025 жылға арналған тарифтер бекітілді:             1. Сумен жабдықтау қызметтеріне: Магистральдық құбырлар (техникалық су) арқылы су беру ҚҚС есебімен      1 м3 үшін 53,5 теңге мөлшерінде; Халық үшін ҚҚС есебімен 1 м3 үшін 180,07 теңге мөлшерінде; «Оқжетпес-Т» ЖШС үшін ҚҚС есебімен 1 м3 үшін 169,75 теңге мөлшерінде; «Теплотранзит Қарағанды» ЖШС үшін ҚҚС есебімен 1 м3 үшін            269,38 теңге             мөлшерінде; «Қарағанды Энергоцентр» ЖШС үшін ҚҚС есебімен 1 м3 үшін 266,46 теңге мөлшерінде; Бюджет қаражаты есебінен ұсталатын ұйымдар үшін  ҚҚС есебімен 1 м3 үшін 873,66 теңге мөлшерінде; Басқа заңды тұлғалар үшін жылына тұтыну көлемі 5 мың м3 аспайтын ҚҚС есебімен 1 м3 үшін 662,85 теңге мөлшерінде; Басқа заңды тұлғалар үшін жылына тұтыну көлемі 5 мың м3 және оданда көп        ҚҚС             есебімен 1 м3 үшін 1465,13 теңге мөлшерінде.               2. Су бұру қызметтеріне: Халық үшін ҚҚС есебімен 1 м3 үшін 234,80 теңге мөлшерінде; Бюджет қаражаты есебінен ұсталатын ұйымдар үшін  ҚҚС есебімен 1 м3 үшін 1006,72 теңге мөлшерінде; Басқа тұтынушылар үшін ҚҚС есебімен 1 м3 үшін 988,72 теңге мөлшерінде.

Новое обращение пользователя Saule_126

26/04/2016

ID - 1833

Сұрақ

Құрметті Табиғат Қабденұлы!
Мен Степной 1, 26 үйдің 4 қабатында тұрамын. Біздің үйдегі суық судың қысымы өте-өте нашар. Титан қоюға мүмкіндік жоқ, кір жуатын машиналарда өте нашар жұмыс жасайды. Қазіргі дамыған заманда осындай проблемаларды тілге тиек етудің өзі орынсыз болсада хабарласуды жөн көріп отырмын. Қалған тұрғындар телефон арқылы хабарласып жатсада ешқандай жұмыстар жүргізілмей жатыр. Осы мәселенің оңтайлы шешімі болар деген үмітпен алдын ала алғысымды білдіремін.

Жауап

Құрметті Сәуле!

2016 жылдың 27 сәуірінде Оңтүстік-Шығыс сумен қамту цехы Желілерді дұрыстау Тобымен бірге Степной-1 ықшам ауданы, 26-үй мекенжайы бойынша су таратқышы кірісінде тексеруді жүргізді және қысымды өлшеді. Қысым деңгейі – 1,8атм, бұл 5-қабатты тұрғын үйді сумен қамту үшін жеткіліксіз болып табылады. Желілерді дұрыстау тобы гидравликалық тәртіпті реттеуді және орталық желідегі ысырмалардың ревизиясын жүргізді. Жүргізілген іс-шаралардан кейін су таратқышы кірісіндегі қысым – 2,5 атм. құрады, бұл 5-қабатты тұрғын үйді сумен қамтамасыз ету үшін жеткілікті көрсеткіш болып табылады.

Қазақстан Республикасының ұлттық экономика Министрінің 2015 жылдың 28 ақпанындағы №163 бұйрығымен бекітілген «Елді мекендердің сумен жабдықтау және су бұру жүйелерін пайдалану қағидаларына» сәйкес:

т.39. Кондоминиум нысандарын сумен жабдықтау бойынша теңгерімдік тиістілігін бөлу шекарасы – тұрғын үйдің) тұрғын ғимараттың сыртқы қабырғасы болып табылады;

т.40. Кондоминиумға қатысушылардың жалпы үлестік меншігі болып табылатын үйге ортақ желілерді тиісті техникалық жағдайда ұстауды және және қауіпсіздігі мен сақталуын қамтамасыз етуді кондоминиумның басқару органы, кондоминиум тіркелмеген жағдайда жалпы үлестік меншік иелері жүзеге асырады.

Осыған қоса үйдің жертөлесі бойынша өтетін суық судың үйішілік таратқыш желісінің ревизиясын жүргізуді ұсынамыз.

Бас директордың өндіріс ісі жөніндегі орындасары Ролич С.Л.